1930–1992
Ádenbay Tájimuratov — shayır, jazıwshı, folklorist alım.
Á.Tájimuratov 1930-jılı 5-mayda Moynaqta Aq dárya awılında tuwılǵan.
1946-jılı ol Xojelidegi peduchilisheni pitkerip, mektepte muǵallim, “Jas Leninshi” gazetasında bólim baslıǵı, rayonlıq gazetada redaktor bolıp isleydi, sońınan pedinstituttı tamamlap, radio esittiriw komitetinde, “Jetkinshek” gazetasında redaktor, Jazıwshılar awqamınıń baslıǵı, N. Dáwkaraev atındaǵı Tariyx, til xám ádebiyat institutında ilimiy xızmetker, Karaqalpak mámleketlik pedinstitutında okıtıwshı, Ózbekstan pedagogikalıq ilim izertlew institutınıń Qaraqalpaqstan filialında direktor lawazımlarında isledi.
Á. Tájimuratov 1966-jılı “Qaraqalpaq xalık qosıqları” degen temada kandidatlıq dissertaciyasın jaqladı.
Onıń shıǵarmaları 50-jıllardıń baslarında járiyalana basladı. Jazıwshınıń “Paraxatshılıq kepterleri” (1957), “Zarlıq hám Barlık” (1967), “Hákke qayda” (1971), “Aydınlar” (1976), “Eń qádirli sózler” (1959), “Gúrrińler” (1960), “Sarkoplı batır” (1962), “ Sheshiwshi qáwli” (1968), “Maqset” (1974), “Sulıwxan” (1980) degen poeziyalıq hám prozalıq kitapları basılıp shıqtı.
Folklorist alım “ Qaraqalpaq xalıq kosıkları” (1965) Degen kitap tayarlap oǵan kiris sóz jazdı, professor Q. Maksetov penen birge studentler ushın “Qaraqalpak folklorı degen sabaklıqtı jazıwǵa qatnastı (1979).
Á. Tájimuratov R. Tagordıń “ Qıyralıw”, Abdulla Qaxxardıń “ Shappattay kız”, Sh. Aytmatovtıń “Qızıl shalǵıshlı dilbarım”, S. Axmadtıń, S. Anarbaevtıń hám taǵı basqa jazıwshılardıń shıǵarmaların awdarǵan.
Á. Tájimuratov Ózbekstan hám Qarakalpakstan Respublikası Joqarǵı Keńesiniń Húrmet jarlıkları menen sıylıklanǵan. Ol “Qaraqalpakstan Respublikasına miyneti sińgen mádeniyat xızmetkeri” xám “Qaraqalpaqstan xalıq jazıwshısı” húrmetli ataqlarına iye.
Á. Tájimuratov 1960-jıldan Jazıwshılar awqamınıń aǵzası.