Amansań ba, tuwǵan jer, amansań ba,Saǵınǵannan ózińdi qostım jırǵa.Kúnge erkelep turǵanın kórgim kelerBayraǵıńnıń hárqashan biyik shıńda.
Tuwǵan jerim júregim — júrek arı,Kóz aldımnan ketpeydi gúlzar baǵı.Jalǵızsırap júrgende súyew bolarÓzińseń ǵoy tumarım moynımdagǵı.
Hárkimniń de qımbat ǵoy tuwǵan jeri,Kir-qońımdı anamnıń juwǵan jeri.Qushaǵınan kem emes óz anamnıń,Shól-sahrası elimniń ıssı lebi.
— XX ásir qaraqalpaq poeziyası antologiyası