Sulıwlardı maqtasaııız,Jáhánge dástan qılsańız,Hadal júrek ul menen qız —Eldi súygen erler sulıw.
Zor tilekte, zor maqsette,Xızmet etseń minip pátke,Bóleytuǵın dańq, húrmetke,úayrat-kúsh hám jiger sulıw.
El, xalıqtı abat etken,Shól-sahranı da baǵ etken,Alwan tabıstı dóretken,Monshaq-monshaq terler sulıw.
Qaynaǵan turmıs jaǵası,Janǵa ráhát xosh hawası,Elimniń teńiz, dáryası,Aydın-shalqar kóller sulıw.
Qoynı tolǵan ǵáziyne, kán,Ekseń, hátte altın da óngen,Mańlay terden suw berilgen —Zúráátli jerler sulıw.
Turmıstıń soqqan júregi,Tasqın tabıstıń tiregi,Adamzatqa eń keregi,1lim-bilim, óner sulıw.
Tuwısqan doslıq mákanı,Jer júziniń atqan tańı,Baxıtlı hárbir adamı,Biziń ullı eller sulıw.