Qońırat penen Xojeliniń arası,Qalıń toǵay, dáryalıqtıń jaǵası,Eski tariyx — Baqırǵannıń qalası,Qutlı qonıs, jayıń edi, Qanlıkól.
Sawlatıńda sáwir bolıp eskenmen,Erkin zaman qashan keler deskenmen,Óytkeni, men sende tuwıp óskenmen,Óz qanıńman, óz janıńman, Qanlıkól.
Qısılǵanda qıslar ótip, jaz qaldı,Gańqıldasıp qayrawıńda ǵaz qaldı,Eslegende góne dártim qozǵaldı, —Shıpırlaǵan shabaǵıńman, Qanlıkól.
Sonda seniń gúllerińdi termey, men,Qalay shıdap tura alaman kórmey, men.Parij, London, Berlinge de bermeymen,Aq sút bergen diydarıńdı, Qanlıkól!