ASH BAWÍRÍŃDÍ, TÓRTKÚLIM… — Gúlistan Mátyaqubova · PoeticaUzaq-uzaq máskan artında,Girbińsiz keń aspan astında,Saqıy quyash nurına shúmgen,Baǵlar álwan gúline kómgen,Bir úlke bar ıǵbalı ayday,Balalıǵım, solmannan tayday,Shawıp ótken...Hár súyem jeri, —Saǵınıshım, súyinishlerim...Tabanlarım,Alıp kór yadqa,Orpań jolda óziń kóp batqan,Soqpaqlardan jalań ayaqtıń,Kip-kishkene izlerin yad qıl...Salqın Baǵjap boyların esle,Samal gúwlep bul jaqtan esse,Turar edim záwlim terekti:«Aqsha bultqa tiyse kerek!» dep.Suw boyında uzaq qalǵanman,Ne ájayıp oyǵa talǵanman...Aqsha júzim, totıǵıp ketseń,Esle, ıssı quyashtı esle!
— XX ásir qaraqalpaq poeziyası antologiyası
Gúlistan Mátyaqubova qosıqları
Iyul, avgust — laplaǵan háwir,
Liykin, túni jaǵımlı, táwir...
Esle qolım, — nabat reń baǵlar,
Iúgin boyǵa toplaǵan shaǵlar,
Tań sáhárde ashılıp paxta,
Qıstaw demler baslanǵan waqta,
Paxtalıqqa baslaydı jollar,
Sonda sirá tınıp-eń, qollar!!
Esle qálbim sol bir demlerdi,
Hám sol jaqqa áketiń ertip,
Tabanlarım, kózleriń menen,
Alaqanım, sózlerim menen,
Qálbim, tulǵam menen sezeyin,
Jaslıǵımnıń tilsimli muzeyi —
Tórtkúlim — kóz ashıp kórgenim,
Jan ǵanamnan jaqsı kórgenim,
Tórtkúlim meniń!
Saǵınǵanda kele almaspan,
Ómir qansha, bile almaspan,
Liykin, solmas Ámiwde bir gul,
Bul ózińseń, ózińseń Tórtkúl.
Meni, bálkim, umıtar doslar,
Óziń eslep kewilimdi xoshla!
Qosıqlarım ushsın sen taman,
Ash bawırıńdı Tórtkúlim — anam!
Ómir qısqa, jollar uzındur,..
Umıtpaǵıl shayır qızıńdı...
JURTÍMMiyweler tógilgen baǵlarǵa kirdim,
ASHÍQ ASPAN →