Nókistiń shıǵısında, batıs jaǵında,Bulttay jasıl dónip tańǵı saǵımda,Altınday sarǵayıp gúzdiń waǵında,Sizler turar edińizler shuwıldap,Torańǵıl toǵayları.
Aldın otın ushın kesip áketti,Bazında bilqastan ot qoyıp ketti,Aqırı, adamlar túbine jetti,Qulaǵımnan ketpes shuwıldılarıń...Torańǵıl toǵayları.
Jılamaqshı boldıń — jılay almadıń,Dártlerden qayıstıń — qulay almadıń,Ámiwdiń aǵısın qorǵay almadıń,Shalı ańızlarǵa aylandıń búgin,Torańǵıl toǵayları.
Iras, miywası joq, aıysıq terekseń,Biraq, tábiyatqa máńgi kerekseń,Biziń sheksiz dalalarǵa derekseń,Túslerime enip júreseń endi,
— XX ásir qaraqalpaq poeziyası antologiyası