Máten Seytniyazov

    Máten Seytniyazov — shayır.
M. Seytniyazov 1934-jılı 22-fevralda Kanlıkól rayonınıń aymaǵında tuwılǵan. Ol Qaraqalpak mámleketlik pedinstitutın tamamlap Jazıwshılar awqamında, “Ámiwdárya” jurnalında, Qaraqalpaq mámleketlik baspasında jumıs isledi.
    Shayırdıń “ Kárim matros” (1955), “Ashqarın pıshıq hám basqalar” (1959), “Jumbaqlar” (1957), “Tolqıtqan oylar” (1961), “ Qızǵıńım meniń” (1966), “ Bárháma joldaman” (1971), “Aytılar sóz”, “ El qádiri” (1973), “Kewil tillası” (1981), “ Bir gápim bar” (1987) degen toplamları hám “Nebıt kamen” (1979) degen at penen “Sovetskiy pisatel” baspasınan rus tilindegi kitabı basılıp shıqtı. “Jeti jurtqa sayaxat” (1990) atlı publicistikası jarıq kórdi.
    M. Seytniyazov A. Pushkin, M. Gorkiy, M. Rılskiy, O.Shestinskiy, L.Battın bir qatar shıǵarmaların qaraqalpaq tiline awdardı.
Shayır Ózbekstan hám Qaraqalpaqstan Respublikası Joqarǵı Keńesinin Húrmet jarlıqları menen sıylıqlanǵan. Ol Qaraqalpaqstan Respublikası Berdaq atındaǵı mámleketlik sıylıǵınıń laureatı bolıwǵa eristi (1991).
    M. Seytniyazov 1957-jıldan Jazıwshılar awqamınıń aǵzası.