Yaltanıń gúl kógertken baǵmanları,Ózine miyras qılǵan kásip-kári,Miywanıń neshe túri ósirilgen,Saǵan ol mirát etip: jeńiz, degen.

Teńizde tolqın tuwlar tolıp-tasıp,Qırımnıń jemisleri boldı nesip.Birin-biri quwalap kóbik búrker,Shomılıp, júrseńiz de aralasıp.

Hawası shiyrin-sheker jutqıń keler,Xalqı tawdan tawsılmas miywa terer.Dem alıp qıdırǵanlar kórkin kórgen,Gúl tábiyat Yaltaǵa bárin bergen.

Yaltanı bir kórgenler taǵı keler,Jaǵısta tursań teńiz suwın seber.Shıpalı alǵan demiń dártke dawa,Emleniwge kelgenler qádirin biler.