Óserbay Xojaniyazov

    Óserbay Xojaniyazov—shayır hám jazıwshı.
Ó. Xojaniyazov 1926-jılı Taxtakópir rayonında tuwılǵan. 1942-47 jıllar aralıǵında ol mektepte muǵallim, rayonlıq gazetada juwaplı xatker bolıp isleydi. 1949-jılı muǵallimler institutın tamamladı xám “Jas Leninshi” gazetasında bólim baslıǵı boldı (1950-51) , 1956-jılı Moskvada M.Gorkiy atındaǵı Ádebiyat institutın tamamlap “ Karaqalpaqstan” baspasında bólim baslıǵı (1956-61), “Ámiwdárya” jurnalında bólim baslıǵı (1962-64), “Sovet Qaraqalpaqstanı” gazetasında xabarshı (1964-72), “Ámiwdárya” jurnalında juwaplı xatker (1972-74), Jazıwshılar awqamınıń juwaplı xatkeri (1974-1977) lawazımlarında isledi.
    Onıń “Shın júrekten” (1952), “Biziń komissar” (1958), “Ómir marjanları” (1959) ,“Párўaz” (1976) sıyaklı qosıklar topshamları járiyalandı. Ó.Xojaniyazovtıń “Baxıt bosaǵasında”(1956), “Aydana” (1972), “Bir sovxozda” (1960), “Qıs balladası” (1970), “Jaynaǵan jáziyra” (1975), “ Bir ómir kıssası”, “Jeztırnak”, “Jalınlı jıllarda” povestleri dóredi.
    Ó. Xojaniyazovtın bir qatar shıǵarmaları baska tillerge de awdarılǵan. Ol Korolenko, Shedrin shıǵarmalarınan qaraqalpaq tiline awdarmalar jasadı. Ó. Xojaniyazov Ózbekstan hám Qaraqalpaqstan Respublikası Joqarǵı Keńesleriniń Húrmet jarlıkları menen sıylıqlandı.Oǵan “Qaraqalpaqstan Respublikasına miyneti singen mádeniyat xızmetkeri” ataǵı berilgen.
    Ó. Xojaniyazov 1953-jıldan Jazıwshılar awqamınıń aǵzası.