Ótebay Sársenbaev — shayır.
Ó. Sársenbaev 1951-jılı 3-oktyabrde Kegeyli rayonındaǵı házirgi J. Habibullaev atındaǵı shirket xojalıǵında tuwılǵan.
    Ol Qaraqalpaq mámleketlik pedinstitutın pitkerip muǵallim bolıp isleydi.
Sońınan Ózbekstan pedagogikalıq ilim izertlew institutında ilimiy xızmetker, “Jas Leninshi” (xázirgi “Qaraqalpaqstan jasları”) gazetasında xabarshı, “Qaraqalpaqstan” baspasında aǵa redaktor, sońınan usı baspada kórkem ádebiyatlar bólimin basqardı.
    Shayırdıń “Assalam, jaylawım” (1985), “Júrek tebrenisleri” (1982), “Qaydasız, aqquwım” (1984), “Xarakter” (rus tilinde, 1988), “Samanbaydıń balaları” (1990), “Shınqobız”, “Jańabazar ápsanaları” (1992) degen toplamları basılıp shıqtı.
    Ó. Sársenbaev 1983-jıldan Jazıwshılar awqamınıń aǵzası.