Saǵın Ziyawov — shayır hám jurnalist.
S.Ziyawov 1941-jılı Moynaq rayonınıń “Aq dárya” awılında tuwıldı. 1962-1968-jılları Nókis mámleketlik pedagogikalıq institutınıń Qaraqalpaq tili hám ádebiyatı fakulttinde oqıdı.
    Miynet jolın 1959-1965-jıllar aralıǵında Moynaq PMK sında ekskavator mashinisti, ekskavatorshılar brigadiri bolıp islewden baslaǵan. 1965-1966-jılları rayondaǵı mekteplerde muǵallim, 1966-1971-jıllarda rayonlıq “Aral balıqshısı” gazetasında bólim baslıǵı, redaktor, 1978-1985-jılları gazetanıń juwaplı redaktorı boldı.
    Sońınan ómiriniń aqırına shekem Qaraqalpaqstan te- leradiokompaniyasınıń Moynaq rayonı boyınsha óz xabarshısı bolıp isledi.
    Onıń “Meniń ákem balıqshı” (1970), “Terbeler tolqın” (1973), “Teńizde” (1977), “Shaǵala” (1984), “Aral azama- tı” (1988), “Aydın” (1992), “Aralımnan ayırma” (1996) poeziyalıq kitapları, 1980-jılı ózbek tilinde “Tukkiz turgay” atamasında (1980) birliktegi ádebiy almanaxta qosıqları, 2002-jılı “Araldı jaǵalaǵan Qara bala” xújjetli povesti baspadan shıqtı.
    Ol bir neshe márte Moynaq rayonlıq Keńesine deputat bolıp saylandı. Oǵan “Qaraqalpaqstan Respublikasına miyneti sińńgen mádeniyat xızmetkeri” húrmet/i ataǵı berildi.
    S. Ziyawov 1995-jıldan Jazıwshılar awqamınıń aǵzası.