Joldas Seytnazarov 1918-jılı Shımbay rayonı Taǵjap awılında tuwılǵan. 1930-jıldan Shımbaydaǵı “Kommuna” mektebinde tárbiyalanadı. Miynet jolın 1937-jıldan “Jetkinshek” gazetasınıń xabarshılar bóliminiń baslıǵı, “Sovet muǵallimi” gazetasında mektepler bólimin baskardı. 1942-43-jılları ekinshi jáhán urısında boldı. Fronttan qaytqan soń Kegeyli rayonlıq gazetasında redaktor, bir kansha jıllar radio esittiriw komitetinde baslıqtıń orınbasarı, keyin “Qarakalpakstan” baspasında isledi.
    Moskvadaǵı Joqarǵı ádebiy kursta oqıdı, respublikalık mádeniyat úyiniń direktorı, 1977-jıldan ómiriniń aqırına shekem televidenie hám radio esittiriw komitetinde xızmet etti.
Onıń “Ernazar” (1949), “Erlik” (1953), “Júrek sózi” (1955), “Kıraǵılık” (1958), “Kishkene doslar” (1961), “Mektep baǵı” (1955), “Báhár hám men” (1966), “Ómir muradı” (1966)hám baskada toplamları qaraqalpak, ózbek, rus tilinde basılıp shıqtı. Bulardan basqa jazıwshınıń ocherk, gúrrińleri, povestleri “Aysulıw” (1954), “Kanlıjap”lı kaharman” (1957), “Uzaktaǵı jaylawda” (1959), “Ámiwdáryalı qız” (1961), “Bilim hám miynet” (1961), “Altın saat” (1968) degen kitapları shıqtı. J. Seynazarov “Ózbekstan Respublikasına miyneti sińgen mádeniyat xızmetkeri” (1978) hám “Qaraqalpaqstan Respublikasına miyneti sińgen mádeniyat xızmetkeri” (1968) húrmetli ataqlarǵa iye edi. Ol Ózbekstan hám Qaraqalpaqstan Respublikası Jokarǵı Keńesinin Húrmet jarlıǵı menen sıylıklanǵan.
    Ol 1939-jıldan Jazıwshılar awqamınıń aǵzası.