TASHKENT AQSHAMÍ

Záwlim imaratlar, nárwan daraqlarQamqadan ton kiyer, Tashkent aqshamı.Aspanda ay, juldız, jerde shıraqlar,Sawlatın jan súyer, Tashkent aqshamı.

Qádem taslap júrseń kóshelerinde,Jáhán jánnet bolar júrek tórinde,Mashqı etip qarap gózzal ómirge,Aspanda ay júzer, Tashkent aqshamı.

Shınarlar shayqalsa alleyalarda,Sazende jan berer duwtarda tarǵa,Samal sálem aytıp qız-jawanlarǵa,Bagǵlardan gúl úzer, Tashkent aqshamı.

Kósheni toltırǵan jigitler-qızlar,Basqan qádeminde báhár bar, jaz bar,Juúrekti terbetip shertilse sazlar,Jandı egildirer, Tashkent aqshamı.

Sháshme suwın shashıp atılsa fontan,Tamshısı tóbeden tógilgen marjan,Aynala aǵarıp atıp turǵan tań,Gúlden dáste tiger, Tashkent aqshamı.

Jolları sarras hám payandoz, jaqtı,Seni baslap barar gúlshanlı baǵqa,Tórinen jay berip, sıylap qonaqtı,Jolına gúl tóser, Tashkent aqshamı.

Ájayıp gúller bar shámen baǵında,Shayday ashıladı tańnıń shaǵında,Turmıstı terbetip keń qushaǵında,Aynadan kórgizer, Tashkent aqshamı.

Minnetdar bolasań saqıy xalqına,Júrek hám bawırın jayar aldıńa,Sadıq ul-qızları eldiń saltına,Jerge nur engizer, Tashkent aqshamı.

Qushaǵın jaz etip, hasla qıs qılmay,Íǵbalı parlap tur janǵan juldızday,Ananıń perzentke bolǵan ıshqınday,Baǵdan gúl tergizer, Tashkent aqshamı.