Sham bop janıp elektrdey jarqırap,Kók júzinde kúlimlegen aysulıw.Aydalaǵa saǵım sáwle nur tógip,Bul emes ǵoy turǵan qurı jay sulıw.

Sáwle shashıp pútkil jáhán júzine,Qara túndi jarıq etken aysulıw.Jer hám kókti altın nurǵa bólegen,Aytıń qáne, aydan óter qay sulıw.

Tamam juldız, ayıńızǵa tatırlıq,Jer jáhánge jaqtı bergen kún sulıw.Kún menen bir óner shamı jaǵılǵan,Kórkem sánli jarasıqlı kún sulıw.

Qurallanǵan oqıw óner bilimnen,Xabarı bar hárbir túrli ilimnen,Shayırlardıń shiyrin tatlı tilinen,Jandı biylep shıqqan shadlı ún sulıw.

Sulıw-sulıw, sulıw emes bil jaslar,Kewil súyip, qosılısqan par sulıw.Bir kún, bir ay, bir jı emes ómirlik,Máńgilikke súyip alǵan yar sulıw.

Jańa turmıs shın baxıtlı ómirde,Bilimnen júzińe engen nur sulıw.Sırtı jıltır gúmis, ishi sarı mıs,Bolsa bilgenlerge naǵız nur sulıw.

Gilem tósep, jipek kórpe jamılǵan,Hasıl kán bop jaratılǵan jer sulıw.Aq tolqınnan gúmis túyme taǵılǵan,Kók oraylı buyra tolqın kól sulıw.

Tawı temir, altın, gúmis, suwı pal,lńıranǵfan toǵayı hám kóli mol,Mine, tabıs qansha kerek sanap al, —Dep jatırǵan ullı paytax jer sulıw.