Qollarına qobız alıp,Moyınıńa nota salıp,Jılasań da way-ўay salıp,Ketkenler qaytıp keler me?
Basıńdı tasqa ursań da,Sınǵansha moyın bursań da,Zar áylep jolda tursań da,Ketkeniń qaytıp keler me?
Qus bolıp qanat qaqsań da,Suw bolıp tasıp aqsań da,Gáwhardan shıraq jaqsań da,Ketkenler qaytıp keler me?
Aqıllı, dana bolsań da,Dúnyanıń júzin sholsań da,Qızıl gúl deyin solsań da,Oylanıń, ketken keler me?
Ataq, abıraylı bolsań da,Jámshid dáwletin jıysań da,Aўzıń menen qus alsań da,Bir ketken qaytıp keler me?
— Berdaq - Tańlamalı shıǵarmalarınıń jıynaǵı
Qara jerdi tepseńdaǵı,Gór qushaqlap ópseńdaǵı,Isip, semip kepseńdaǵı,Oylanıń, ketken keler me?
Dúnya-malıńdı shashsań da,Ǵaziyne awzın ashsań da,Qanatlı qus bop ushsań da,Ketkenler qaytıp keler me?
Belińdi bekkem buwsań da,Atadan artıq tuwsań da,Ómirińshe dúnya quwsań da,Ketken dúnyalar keler me?
Qasıńa jarshı alsań da,Jahanǵa xabar salsań da,Haqlap qalender bolsań da,Ketken dáwranlar keler me?
Pálektiń gárdishi jaman,Shahu – gáda qalmas aman,Hesh kim tulǵa bolmas oǵan,Bendesi onı biler me?
Soldırmaǵıl qızıl yuzin,Qaytıp qonbas alǵır bazıń.Haqqa shúkir etpek lazım,Ózi áketse, keler me?...