Qanjarsız ot penen bawırımdı tilgen,Nurlı kózlerime dúnya qarańǵı.Qálbińe sıymaǵan zor quwanısh penen,Sen meniń ómirimde teńsiz bar joǵım.

Qadalar tamaqqa aytalmaǵan ósh,Jılap turıwlarıń yadıma tússe.Bul paytaxt keń sháhár qalmaydı bop-bos,Sen meni kórgende qus bolıp ushsań.

Qızǵanıshlı qáteler ómirime sherik,Sıyqırlar pák ómir, ıshq, hiyle menen.Bunnan soń, ayt qalay jasayman tiri,Basımda tas qatqan muz pikir menen.

..Bolmaydı kúygende júrekten tanıp,Nurlanttıń baxıt bolıp úmit tańımdı.Súydim pútin ómir ishimnen janıp,Bir awız sózińe berip janımdı.

Endi ǵoy júrekke qulaq salmaymız.Toyǵansha kóz jastıń posalarınan...Bul dúnya, ol dúnya ushırasa almaymız,Bas urıp hám Tórtkúl kóshelerinde.