1937–2015
Gúlistan Shamuratova—shayır.
G. Shamuratova 1937-jılı Tórtkúl kalasında tuwıldı. Ol 1965-jılı Qaraqalpaq mámleketlik pedagogikalıq institutınıń qarakalpak tili hám ádebiyatı fakúltetin pitkerdi.
Dáslep ol radioda xabarshı hám diktor wazıypasın atqardı. Sońınan “ Qaraqalpaqstan jasları” gazetasında awdarmashı, teleradiokompaniyada redaktor, Jazıwshılar awkamında juwaplı xızmette, sońınan Bozataw rayonında juwaplı xatker bolıp isleydi.
Shayıranıń qáleminen dóregen “Ǵumsha ashılǵanda” (1971-jıl), “Árman” (1977-jıl), “Miyrim” (1982-jıl), “Zvenyashaya struna” orıs tilinde (1984-jıl), “Qushtarlıq” (1989-jıl), qosıqlar toplamları menen “Qanlı kól waqıyası” (1991-jıl), pesalar, inscenirovkalar, gúrrińler jıynaǵı, “Ámiw ápsanası” (1996-jıl), “Mehirgiya sırlaslarım” (2001-jıl), “Kewil tuyǵıları” (2004-jıl), “Muxabbat ápsanası” (2005-jıl) kitapları basılıp shıqtı.
G. Shamuratova 1969-jılı Karakalpaqstan Respublikası Joqarǵı Keńesiniń Húrmet jarlıǵı menen sıylıqlanǵan.
1991-jılı “Qaraqalpaqstan Respublikasına miyneti sińgen mádeniyat xızmetkeri” degen ataqqa iye boldı.
G. Shamuratova 1976-jıldan Jazıwshılar awqamınıń aǵzası.