Pár emes, nurǵa bólengen,Ginarat shıqpas deneńnen,lybengen jigit-jeleńnen,Arıwǵa megzes Aq quwlar.
Bawırman biri-birinen,Tanıydı hátte úninen,Tabısıp shóje kúninen,Úyirkelesken Aq quwlar.
Kóllerde kórsek sizlerdi,Táshwishke salıp bizlerdi.Aq xalat kiygen qızlardı,Esletesizler Aq quwlar.
Nur menen suwǵa taranıp,Átirapına qaranıp.Kewil kewilden nár alıp,Oyınǵa túser Aq quwlar.
Dushpanı shıǵıp qamıstan,Tolqında shayday alısqan,Jubayı betke alıstan,Qanatlap ushqan Aq quwlar.
Jan berse onıń jubayı,Bir oynap ósken udayı,Aq quwdıń janı pidayı,Taranbas endi Aq quwlar.