On gúlden bir gúli ashılmay ele,Sál ótiwden ómiriniń sheregi.Xalıq iyge tartar sportshı menen,Xoshlasıp qalıwdı rawa kóredi.

Sóytip ele qılshıldaǵan jigitti,Ortaǵa alamız sonsha dań menen.Onıń mólsherlengen waqıtı pitti,Endi basqa iske jóner tań menen.

Bul jılar ishinde atı ushın eldiń,Talay qurǵa túsip shıqtı bul batır,Tóbemizdi kókke jetkerdi, endi,Xoshlasıp atır.

Elim dep juwırǵan ázamatlardıń,Sezdim qalayınsha súygenin xalqın.Biraq, xoshlasıwdı shep kórmeydi dım,Bálki, moyınlaǵan turmıstıń saltın.

Basqaǵa etseń de bul usınıstı,Tek aytpań shayırǵa xoshlasayıq dep.Basqashalaw pikiriń bolsın durıslı,Esaplar xoshlasıw úlken ayıp dep.

Tek aytpań shayırǵa Xoshlasayıq dep,Betińdi shiyedey etip jiberer.lyneniń ushınday sırıńdı serlep,Dizilgen túymedey etip jiberer.

Pensiya ma?...Hárkim tarli saqıtta,Kásibinen xosh aylısıp ayrılar.Tek júrek jırlawdan qalǵan waqıtta,Birotala xoshlasadı shayırlar.