Jıraw seni báygi atınday baplaǵan,Sheshenler dawda shıńlap seni taplaǵan.Alpamıslar uran etip urısta,Berdaq seni qural etip saplaǵan.
Bayterekseń ósken góne tamırdan,Dilwarlıǵıń qıl suwırǵan qamırdan.Qaraqalpaqtıń kewil qusı sayrasa,Sóz qıysını ǵaziyneńnen tabılǵan.
Gúlparshınlar bawırı ottay qamılıpQızlar sıńsıp muńın aytqan shaǵınıp,Sen arqalı xandı jumsap qatınlar,Ájiniyaz sayraǵan elin saǵınıp.
Naqıllarıń, shaǵıp kórsem, mańızdan.Juwabıysań zeyin suwın aǵızǵan.Atam saǵan azamatlıq jan berip,Anam saǵan miyrim sútin tamızǵan.
Írasgóyseń durısın aytqan ańqıldap,Sahrayısań qattı dawıs shańqıldaq.Jalǵan sóylep jaǵınıwdı bilmeyseń,
— Búlbil uyası
Men teńeymen seni jegen nanıma,Uwız benen ruwhıń sińgen qanıma.Es bilgeli til jatırqap kórmedim,Biraq sen dım jaqınsań-aw janıma!
Sazǵa qossam, hawalaǵan alasar.Ilme sultan sulıwlıǵıń jarasar.Qanday jaqsı aǵayinniń kópligi!«Jaqınbız» dep saǵan kóp til talasar.
Ana tilim, sen - basqadan ayırmam,Sen turǵanda men de ádewir shayırman.Sonsha qatal súrginlerde joǵalmay,Bul kúnlerge jetkenińe qayılman.