Sálem, Jańa ásir! Adasqan sáyyad!Biytanıs esikti qorqıp qaqqanday.Bosaǵań aldında bul insaniyat,Gúdik, úmit penen saǵın baqqanday.
Máńgi jasamaqqa ańsarı awıp,«Jańa kletkalar» torlaǵan adam.«Azon túńligi»niń jırtıǵın tawıp,Mıń jıl aldındaǵın boljaǵan adam. —
Seniń kimligindi boljay almastan,Bosaǵańda turıp bası qatadı.Bir awan kimsedey aqıldan sasqan,Qırq mıń qıyal menen oyǵa batadı.
Sen netken ásirseń? Qılwań bar qanday?Kók jiyegiń qáwip-qáterler dumanı.Abırjı muz benen baratırǵanday,Ruwxımızdı qıynar Gamlet gúmanı.
Aaıl, ilim ekewi til tabısıp,Jáhán lal qalǵanday sırlardı ashar.Biraq ta peyiller, mápler daǵısıp,
— XX ásir qaraqalpaq poeziyası antologiyası
Adamzat bul úyde bir Jasap turıp,Bir-birin súyip, jiyrenip atar.Shaytan házir kompyuterge otırıp,Adamlardan sumlıq úyrenip atar.
Jáhán bazarında ne satpas házir?Satıladı qanlı qırǵın quralı.Biznes ıshqısında órtengen dáwir,Dollardıń jolına duzaq quradı.
«Ózim bolsam» degen áyyemgi illet,Insan kewlin izey suwday jaylaǵan.Nápsi, ishkirnelik tikeni gullep,Balalarday qural menen oynaǵan.
Sen buǵan ne deyseń, wá Jańa ásir?Keleshekke ne tayarlap atırsań?Sendegi miriwbet, aqıl hám tásil,Qanday halwa? Qay tańlayǵa tatırsań?
Góne ásirdiń jaqsı-jaman miyrasın,Sen álbette, qabıl etip alarsań.Adamzattıń peyli buzıq dúnyasın,Dúzeymen dep kóp háreket qılarsań.
Bizden aqıllı hám baxıtlı áwlad, —Kelip jańa ásirdiń gózzal balları.Qoynında tabısıp miyrim, muhabbat,Tutassın doslıqtıń «Jipek jolları».