Tuttı meni waqıt seniń qarmaǵıń,Sonıń menen shóliń ábden qandı ma?!Bala etip kórdiń meni, arbadıń,Keleshekti jayıp taslap aldıma.
Qıńır-ınjıq minezime ashınıp,Tartqıladıń, súyrediń sen ján-jaqqa.Óspirim de ettiń meni asıǵıp,Alaǵada bolıp júrdim hár zatqa.
Kózlerimdi ıntıq etip juldızǵa,Bul kúnlerge qanday dáwran jetsin dep.Ashıq etip qoydıń meni bir qızǵa,Jaslıq waqtı sebil bolıp ótsin dep.
Eıńseledim bul ómirdiń basqısın,Ayamadıń bar qızıqqa toydıń sen.Arqalatıp bala-shaǵa táshwishin,Meni úlken kisi etip qoydıń sen.
Nesip etse tolı ómir kesası,Ashılǵan gúl shaqasınan úzilmey.Uslatasań ǵarrılıqtıń hasasın,
— XX ásir qaraqalpaq poeziyası antologiyası
Qalar sóytip kókiregim qızǵınsız,Ómir baǵı keter bizden jıraqlap.Waqıt meni sen jeńeseń ıń-jıńsız,Ruwxımdı jeńe almaysań biraq ta!