Házir parqı barma siráAwıldıń,Anaw-mınaw qaladan —Dep júrsek te túyinip,Bir ay ótip,Eki ay ótip aradan,Awıl betke atlanamızJol kiyimin kiyinip.
AsıǵamızPoezdta ya avtobusta otırıp.
Buldır-buldır awıldıń shoq teregi,Kózge ottay basıladı hárdayım.Tek sol jaqtan tabılardayKeregim,Sezimime uytqı bolarBir qúdiret bardayın.
Kútip alar aldı menenAwıldıń sap hawası.
Onnan keyinTanıs soqpaq tóseledi aldıma.Usı jerden baslanadı
— XX ásir qaraqalpaq poeziyası antologiyası
Bul awıldanSál erterek oqıw quwıp ketip-em.AÁrmanlarım qanat bolıp,Ushqan qusqa teń kelip...Tanır meni ǵarrı-jası,Qız-kelinshek shetinen.Tanıs maǵan usı jerdeHárbir úydiń tentegi.
Kórgen emesHeshqashan da boydan ıqlas suwınıp.Waqıt kem-kem izin salıpÓtken menen araǵa«Ajaǵam» dep shıǵatuǵınQarsı aldımnan juwırıp,Qarındasım, inilerimJasaydı bul kárada.
TuyǵılarımKókirektegi árman menen shatısqan.
Watan maǵan Watan bolarTek awılım turǵanda.Balalıqtıń pal kúnlerinBirge júrip tatısqan.Doslarımnıń ómir jolı,Baslanadı bul mannan.Turǵan meniBirdeyine bawırına shaqırıp,Súyenerge tawım hám deOrınım bop sıyınǵan —Morısınan tútin tútep,Tozǵan áynek qapılı,Ata-anamnıń iyisi sińgenUsı awılda úyim bar!
Meni usılarÍntıqtırıp, magnittey tartadı.Kóteredi iynimdegiMol júgimniń awırın.Watanımdı súysem súydimAta-mákan arqalı,Sebep onıń bosaǵasıMeniń tuwǵan awılım.