Qız kózlerin móldir jas qaplar,At basınday árman kewlinde.Turdım únsiz, únsiz til qatpay,Abırjıwda oyım meniń de.
Kinodama eń baslı ayıp,Yaki bilet alǵan mende me?Kóz jası — kól, men júzgen qayıq,Kewlim usar qalǵanday seńde.
Úyindegi zer ramadan,Kórer edi áke súwretin.ákesine qız shıramıtqan,Kinodagı birew kelbetin.
Kinodaǵı sol murtlas kisi,Ákesinen dım aynımaǵan.Meniń menen joq qızdıń isi,Qumay kózler qadalar soǵan.
Ah sol kisi tankaǵa birden,Attı ózin turǵan jerinde.Usı jastı sonda kórdim men,Súyiklimniń kirpiklerinde.
Qız kózlerin móldir jas qaplar,At basınday árman kewlinde.Turdım únsiz, únsiz til qatpay,Abırjıwda oyım meniń de.
***
«Dúnya, mensiz janbas-deseń-ıǵbalıń»,Maqullayman seni tek.Sezseń edi ómir jaynap turǵanın,Janarıńda kúlimlep.
Sebep, qızlar, siz erteńgi analar,Bilemen men, hárdayım —Usı qollar erteń bir kún sıypalar,Bóbeklerdiń mańlayın.
***
Nátiyjesi sonday demek,Seniń oyıń bolsa bólek,Maǵan jasaw nege kerek,Kúnim sóngen onda meniń.
Sensiz jasaw, sensiz kúliw,Sensiz tirilik, sensiz júriw,Jaqsı shıǵar onnan óliw,Erteńimdi oyla meniń.
Súygen edim, kewlim berdim,Sen — Láyli, men — Májnún edim,Bir ǵana jas shayır edim,Sensiz baxtım qayda meniń?...