Jigit kórseń májnún talǵa súyengen,Sen de jaslıq kúnlerińdi umıtpa.Kúte-kúte zerigiwdi bilmegen,Bosqa ketken túnlerińdi umıtpa.
Terektiń de japıraǵı sarǵayar,Kók emendey tóze bilmes suwıqqa.Bir kún ol da harır, ol da qartayar,Bir gezdegi ustazıńdı umıtpa.
Sen elińe qansha xızmet etseń de,Beresiń kóp ekenin de umıtpa.Diydilegen maqsetińe jetseń de,Árman ómir jeteginde umıtpa.
Bir názálim aqılıńdı alsa da,Úyde qalǵan wapalıńdı umıtpa.Bári óz úlkeń, óz jeriń bolsa da,Tuwıp ósken mákanıńdı umıtpa.