1924–1989
Karamatdiyn Sultanov—jazıwshı.
K. Sultanov 1924-jılı Moynaq rayonınıń Akdárya awılında tuwılǵan.
Ol 1941-jılı Shımbaydaǵı peduchilisheni pitkerip, awılda muǵallim, rayonlıq “Kızıl balıkshı”, “Kızıl Qaraqalpaqstan”, “Jas Leninshi”, “Sovet Qaraqalpaqstanı” gazetalarında, Tashkentgegi partiya mektebin pitkerip, radiokomitette jumıs isledi.
Onıń shayır sıpatında “Wakıt kosıkları” (1949), “Altın dáwir” (1983), “Dáwir táriypi” (1969) degen toplamları shıktı. Jazıwshınıń dóretiwshiliginde proza baslı orındı iyeleydi, bul tarawda onıń “ Menin doslarım” (1956), “Meniń awıllaslarım” (1960), “Aldınǵı sawınshı” (1956), “Aǵalardıń ángimesi” (1968), “Ótken kúnler” (1975) degen gúrriń hám povestler toplamları, “Akdárya” (1962), “Ájiniyaz” (1967) romanları basılıp shıktı. Onıń “Akdárya”, “Ájiniyaz” romanları ózbek, rus tillerinde de járiyalandı.
K. Sultanov “Qaraqalpaqstan xalıq jazıwshısı” (1974) degen húrmetli ataqqa iye. Ol Qaraqalpaqstan Respublikası Berdaq atındaǵı mámleketlik sıylıǵınıń laureatı, Ózbekstan hám Qaraqalpaqstan Respublikası Jokarǵı Keńesleriniń Xúrmet jarlıkları menen sıylıklanǵan, Jazıwshı Qaraqalpaqstan Respublikası Joqarǵı Kenesine deputat bolıp saylanǵan.
K. Sultanov 1960-jıldan Jazıwshılar awqamınıń aǵzası.