JOLAWSHÍ HÁM DÚKANSHÍ

Burınǵı ótken zamanda,Xiywa, Buxar tamanda,Bir dana dárwish bar eken.Sol dárwish minip eshegin,Ortası menen kósheniń,Bir dúkánǵa kelipti,Eshek te ishke kiripti,Bul nesi? dep dárwishtiń,Tańlanıp hámme kúlipti.Basında melle qurashı,Qoltıǵında qorazı,Eshekli kirgen dárwishkeDúkánshı boldı narazı.— Jumısıń bolsa ayt! — dedi,Bolmasa, baba qayt dedi.Dárwish buǵan saspadı,Bılay dep sóz basladı:— Dúkánshı balam kel, — dedi,Maqtaydı seni el, — dedi,Eshek, qoraz, úshewmiz,Túste awqat etkendey,Bir nárse tawıp ber! — dedi.Bir shártim bar biraq ta,Eshegime jem bolsın,Qorazıma dán bolsın,Ózime azıq nár bolsın,Úshewimizge ılayıq.Bergen nárseń teń bolsın.Dúkánshı hayran boladı,Túrli oyǵa saladı,Ábden sheshe almaǵan soń,Atasına baradı.Sol waqta seksen jasta eken,Dúkánshınıń atası,Esitken soń bul gápti,Aldı qolǵa hasasın,Dúkánǵa jetip keledi,Dárwishtiń oyın biledi.— Azıǵıń dárwish mınaw! — dep,Bir qawındı beredi.— Usını qáne al! — dedi.Awlaq jerge bar, dedi,Qaq ortadan jar dedi,Qawındı óziń je, — dedi,Pállesin eshegińe sal, — dedi,Qorazıńa tuqımın ber, — dedi,Ushewiń túste toymasań,Aylanıp maǵan kel, — dedi.Irza bolıp dárwishiń,Ayttı mıń-mıń alǵısın,Sonnan beri sol jigit,Sıyladı bárha ǵarrısın.