ERLIK DÁRKAR

Hámme tiler erkinlikti,Jay pitkenge húrlik dárkar.Arqayın júrip gezsem der,Hámme ózińdey, házlik dárkar.

Muńlı bolǵan bende kúlmes,Bendeniń halın húr bilmes,Shını húrlik ózi kelmes,Bir awızlıq birlik dárkar.

Bir awızǵa toplamaǵa,Nanın, duzın aqlamaǵa,Erkinlikti saqlamaǵa,Bilim menen erlik dárkar.

Sersizliktiń házi bolmas,Istiń kóbi, azı bolmas,Top oyını hám ózi bolmas,Dástek penen shúllik dárkar.

Qáwip-qáterdi oylasań,Jer tanıp jolǵa aydasań,Minbek ushın at saylasań,Eger, dizgin, terlik dárkar.

Jónin bilip atqarmaǵa,Pópek júnin jatqarmagǵa,Isti dúziw basqarmaǵa,Qaytpas júrek, sherli