Qarayman gúzdiń betine:Piyada sarı saqallı.Jası úlken eken úzi de,Miynette qabarǵan qolı.
Ákege megzes kelbeti,Uqsasar táǵdirleri de —Aldına kelse perzenti,Bawırı erimedi me?
Keldi gúz qırman basına,Qızıllanıp atır altın dán.Otırdı dasturqan basına,Puwı burqırar ıssı nan.
Aylanıp paxta dalasın,Elge ırza boldı ol.«Xalıq baylıǵınıń xanası,Kózge súrme», — dedi ol.
Qarayman gúzdiń júzine:Piyada sarı saqallı.Qaraqalpaq dúzindeKeń adım atıp baradı…
***
Bálkim, kóp sıpatlar kerek adamǵa,Jáhándi keńirek kórmeklik ushın,Mdánisin tereńirek bilmeklik ushın,Kóp sıpatlar kerek bolar adamǵa.
Jıllar ótken sayın shiyelenisetuǵın,Sheshiliwi kerek máseleler bar.Esitseń qabırǵań qayısatuǵın,Sarqılıp tawsılmas suwıq xabarlar.
Keń saray atalmısh ana-jerimizdiń,Ele kóp ójireleri qarańǵı...Mazmunlı ótiwi tiyis ómirdiń,Gáwhar shıraqları jaqtırtsın jandı.
Biraq,Muzlar bar júyleri sótilmey atqan,Tabanı qırq jarıq perzentleri bar.Bolıw ushın dúnya bir pútin bostan,Ele hám kóp nanlar jabılıw dárkar.
Zeyini shar aynalı záńgileslerim,Qıyın wazıypalar kúter sheshimi.Biz sheshpesek, onı sheshe alar kim,Aqıl-parasatlı záńgileslerim.