Dıqqatımdı tartar usı nur, sáwle,Men oǵan tutqınman ne ushın nege?Ketsem kózler jetpes alıs-alısqa,Meni kútip alar tanıs jaǵısta.

Geyde terezemnen áste sıǵalap,Jańa qosıǵımdı oqıydı urlap.Men qayda barsam da baradı sonda,Men qayda túnesem, túneydi ol da.

Gáhi mennen burın erte oyanar,Móldir bulaq kibi kóńlimdi shayar.Sonda men qolınan keledi tutqım,Men oǵan tutqınman, ol maǵan tutqın...