SHAYÍR JOLDA, SHAYlR RULDE

Xalıq shayırı eski «Matiz»de,Kiyatırsa, «Kaptiva» izde,«Ba-bap»lattı, jol ber, dep, bizge».Shetke shıǵıp qarasa oǵan,Rulde bir qıpsha bel janan.«Kim eken-áy?» dedi jeńgeyge,— Qızbay-aq qoy, bul qız sendeyge,Qaramaydı, dedi hayalı,Seniń sol júrisiń bayaǵı,Bul qız ekinshisi bir baydıń,Haslı-tegi qızı Shımbaydıń,Toǵızınshı klass sawatı,Biraq sennen ótimli gápi,Telefonnan piter jumısı,Xanshalarday júris-turısı,Sen Tashkentten ótpeseń arman,Ol dúnyanı aylanıp bolǵan,Shala sawat birew kúyewi,Haram aqsha kókten súyewi,Menshik etip kolxozdıń múlkin,Shıǵa keldi bay bolıp bir kún.Al, sen bolsań qorqıp sayańnan,«Qálem haqım zıyat, dep, alǵan»,Eki márte qaytıp ótkerdiń,Tek men saǵan qatın bop keldim.Biyhayalaw birew bolǵanda,Túyinshigin túyip solmanda,Tartar edi, «tórkin qayda?» dep,Háy, kózińe qarap aydasesh!Tas bolmasa turǵan mashınǵa,Urayın dep qaldıń-ǵo, zorǵa,— Awa, qatın, quday saqladı,Jaǵıń-ám bir tınım tappadı...Bir waq «Matiz» óshti pır-pırlap,Hayal jayaw ketti tońqıldap,Tap usı gez shayır kewline,Oyda joqta ilhám keldi de,Tógip saldı usı qosıqtı,Jep-jeńil bop soń jolǵa shıqtı.Óter «Jip»ler, «Malibuler»de,Buǵan názer salmas bir bende,Bul halǵa da kózin úyretip,Yarım aqshamda qayttı súyretip.