TAN ALǴÍM KELMEYDI SENI, KEKSELIK
Muratbay NızanovTán alǵım kelmeydi seni, kekselik,Inanbasań kóre-ǵo óziń tekserip.Tisim ketikligin aytarsań, balkim,Ol balalıǵımnan qalǵan estelik.
Tán alǵım kelmeydi seni, kekselik,Inanbasań kóre-ǵo óziń tekserip.Umıtshaqlıǵımdı aytarsań, bálkim,Ol jaslıǵımnan bir miyi geshshelik.
Tán alǵım kelmeydi seni, kekselik,Inanbasań kóre-ǵo óziń tekserip.Jumıs dese et betimnen taslayman,Erte qaytqanım bolmasa, kesh kelip.
Tán alǵım kelmeydi seni, kekselik,Inanbasań kóre-ǵo óziń tekserip.Eńkeyip qapsań dep kuúlerseń, bálkim,Jorta qılaman ózim tilsuqtan seskenip.
— XX ásir qaraqalpaq poeziyası antologiyası