Tolısqan boylarıń shınar ma deymen,Qarasam kózleriń tınar ma deymen.Zamanlaslarımdı jırlasam shaǵlap,Shadlanıp kewiliń tolar ma deymen.
Júzleriń baǵdaǵı anar ma deymen,dúregiń qulpırǵan lala ma deymen.Qushaǵıńda tárbiyalap ósirgen,Ananıń miyiri qanar ma deymen.
Qurǵaq sóz hár waqıt arzan ba deymen,Atqan hár qádemiń marjan ba deymen.Qıyalımdı oylarımdı bánt etken,Sendegi shayırlıq bálzam ba deymen.
Sen mingen tóbeler alıs pa deymen,Barǵan jeriń qızǵın jarıs pa deymen.Kúlimlegen diydarıńa jarasqan,Qaslarıń oyılǵan naǵıs pa deymen.
Jerden piship seni alǵan ba deymen,On barmaǵıń ónerge tolǵan ba deymen.Márt maydanda seniń menen jarısqan,Jarı jollarıńda qalǵan ba deymen.