Alǵanım kóp xalqımnan, bergenim az,Qanat qaǵıp kosmosta ettim párwaz.Tilegimniń barlıǵın berdi xalqım,Qayda barsam aldımnan jarqırar jaz.
Alǵanım kóp xalqımnan, bergenim az,Qolım bálent, dostım kóp, zamanım saz.On azamat xızmetin atqarmasam,Tuwıldım ba anamnan bolıp nasaz?
Ómirimde jaynaǵan bilim ushın,Doslıq jırın sayraǵan tilim ushın.Máńgilikke xalqıma qarızdarman,lzimdegi ul, qızlar — gúlim ushın.
Kerek dese jaylawda mal baǵayın,Kerek dese toylarda ot jaǵırman.Barlıq úrim-putaqtı tegis jámlep,Xızmetin xalqımnıń ońǵararman.
— XX ásir qaraqalpaq poeziyası antologiyası