Sóz baslasam jaqsı-jaman islerden,Ersi is juwıqta shıqpas eslerden,Jaqsınıń belgisi bilmey islengen,Qátelikti, kemshilikti keshirer.
Xojalıqtıń xızmetinde aylanıp,Sózdi sóyler aldın-artın oylanıp,Pámli qatın úy isinde tawlanıp,Mısalı jipektey bolıp esiler.
Aqıl bolsań ata-anadan iyben sen,Is usılın aǵalardan úyren sen,Uyası úlgili jerden úylen sen,Xızmetińde shıyratılıp esiler.
Jasıń jetpey qartayarsań, tozarsań,Kóterilip qısınarsań, qızarsań,Ulıńa úlgisiz úyden qız alsa,Oshaǵıńdı bılǵap, ottı óshirer.