BÚGIN KEWILLERGE GIRBIŃ TÚSPESIN
Seydabulla PirjanovJoldıń alıslıǵı gáp emes maǵan,Kewil alıs bolsa janım biyqarar.Kewil degen dárya aǵıp atırǵan,Tarın sherte bilseń sırın aqtarar.
Kel gúrriń eteyik qosıq haqqında,Onıń kelinshektey beti ashılsın.Pákize qosıq ayt doslıq haqqında,Tulǵań kózlerime ottay basılsın.
Eslet sen Pushkindi qosıq oqıǵan,Ójet Bayron bolıp elesle taǵı.Aytıp ber qay qosıq unaydı saǵan,Ájiniyaz, Ayapbergen hám Abbazdaǵı.
Búgingi kúndi ayt, ayt sen hámmesin,Tıńlayın men daǵı hárgiz jalıqpay.Búgin qıyallar da qanat sermesin,Búgin kewil degen ushsın sharıqlay.
Bárin ayt, ayta ber, ayt sen hámmesin,Bir úlken májilistey sezilsin sáwbet.Búgin kewillerge girbiń túspesin,Búgin kewil degen jaynasın gúllep.
— XX ásir qaraqalpaq poeziyası antologiyası