Dıqqat et, sen ala kózli maralım,Jollarıńa ańshı yańlı qaradım.Ishqı etip súrnigip kóp oylarǵa,Sen dep gúlin úzip shıqtım dalanıń.
Quwanıshqa qoynım tolıp sol sapar,Umit etip kúttim seni intizar.Kutti seni meniń menen ırgalıp,Jılǵadaǵı qızǵaldaqlar, maysalar.
Qayda barsam, aqılımdı alıp sen meniń,Aq júzińdi kórmegenshe tózbedim.Sonlıqtan da qosıq aytıp tınımsız,Dút toǵaydı ıshqım menen terbedim.
Saǵan arnap úzdim, úzdim lalanı,Keler me dep uzaq gezdim dalanı.Júregimde senlik ıshqım, nigarım,Sarqılmas bir bulaq bolıp aǵadı.
— XX ásir qaraqalpaq poeziyası antologiyası