Alıs teńizlerde boldım shalqıǵan,Gózzallıqtıń orayında balqıǵan.Sonda da men ana portım — Moynaǵım,Óziń menen maqtanıshlı, shadlıman.
Mine, mınaw kózge ısıq kórinip,Tolqınlardıń jırlarına shomılıp.Kúlip jatır Yalta menen Gagra,Astra hám citrusqa kómilip.
Mine, sulıw Odessanıń kashtanı,Oǵan kimniń muza jarmas jas janı.Quwanaman Suximiǵa, Sochiǵa,Bári, bári maqtanıshtıń asqarı.
Kózdi tartıp ovina hám yavorlar,Júregime baylasa da tamırlar.Sonda da men inkar bolıp ózińe,Sawlatıńdı saǵınaman ahıw-zar.
Ishqım menen gezip alıın jaǵańdı,Erkin jutıp jaǵımlı sap hawańdı.Seyner tolı plotıńdı aymalap,
— XX ásir qaraqalpaq poeziyası antologiyası
O, qádirli arzıwlarım sen meniń,Betxovenniń sazın shalıp kúnbe-kún.Sende erkin baǵdar alǵan alısqa,Súyemen men «Astraxanlar» dizbegin.
Maǵan qımbat sawlatıńnıń bári de,Jaǵadaǵı zavodlardıń kári de.Hám barkasın tawsılmastay yosh bergen,Meniń lira bulaǵımnıń kánine.
Mine, usı oylar oqtay aǵılǵan,Orın alar aqılımnan, janımnan.Marselde ya Singapurda bolsam da,Máńgige men seniń intizarıńman.