Kelipsiz ǵawqıldasıp,Tusawım kesilgende.«Toyber!» dep, shawqımlasıp,Jambaslap kósilgende,Nawqıran jigitsiz ǵoy! —Garrılıq onda alıs.Pátiyańız bizge qalıs:«Balamız súrinbesin!Ómirde bulinbesin!Jarı jolda atı ólmesin!Xat jazsa xatı ólmesin,Awmiyin!...» degensiz ǵoy,Bir qoydı jegensiz ǵoy,Esitsem, kúlemen-aw,Bárin de bilemen-aw:Pátiyańız qalıs edi,Biraq jol alıs edi,Baxıttan shalıs edi:At mindim.Atım da óldi!Xat bildim.Xatım da óldi!Xat túwe qatın da óldi!Súrindim, —Qıylandıńız.Búlindim, —Qıylandıńız.Ákemniń ózi bolıp,Arbawǵa jıynaldıńız,Ákemniń kózi bolıp,Qayǵıǵa qıymadıńız,Ákemniń joraları!...
Birińiz salt atlısız,Birińiz baldaqlısız,Jıynalıp, soldattı siz,Maqtasıp tór betimde,Ya japtıń ór betinde,Qızdırǵan áńgimeńiz, —Bánt etken máńgi meni,Ákemniń joraları...
Naqıl da aytıpeńler,Aqıl da aytıpeńler,Sorbasım, ile almadım,Talpındım. Bile almadım,Orta edim. Tola almadım,Shayır da bola almadım.Dártim kóp, dármanım joq,Waqtım joq, ármanım kóp!...—Jete almay órtenermen!Jetpesem, górde de men,
Iyt bolıp qańsılarman,«Árman!» dep, qan jılarmanl...Bárine gúnakarman,Ákemniń joraları!«(álet sóz aytpa, — deysiz, —Jol awır, qaytpa! — deysiz, —Ómir — bul mereke emes,Kúnde toy kerek emes!Boladı azası da,Shıday bil jazasına,Shıday bil qáhárine,Juta bil záhárin de.Ómir — bul — gúres, — deysiz,—Taw bolsa — hám tires! — deysiz —Mánzildi zor aladıl..»Ákemniń joralarıl..
Kóbeytip shashtıń aǵın,Tırnalar qayttı taǵı,Qanatı bult sabalap!..«Shójeni gúzde sanap»,Esabı soraladı,Ákemniń joraları!
Búlk etpey sonda betim,Ne deyin, aytıp ketiń?!Qalıpsız shende-shende-aq,Aytıńlar sońǵı demde-aq!..Tabıttan qıshqırıń jar!..Ayttırmay jutsa mazar,Gúńirenip túrgelińler,Túrgelip gúńirenińler,Bádaybat berip sazal..Tirimde bermeń maza,Ákemniń joraları!..