Juwılıp gúptikey, kóńildiń daǵı,Tatlı sezim shámenleri oyansın.Árman kestesiniń jipek sabaǵı,Jaqsılıq boyawı menen boyalsın.
Dushpanıń dás kelip seni jeńse de,Úmit búrtikleri ólip ketpesin.Kóktegi juldızlar hátte semse de,Kóńil juldızları semip ketpesin.
Jaqsı tuqımlardı saqlar baǵmanlar,Aytayın men bunı utırında:Joytpay saqlańızlar jaqsı adamlar,Jaqsılıqtıń barlıq tuqımın da.
Hayran bolǵan waqta aqıl-huwshlarıń,Túrli bále-qadalar qaplaǵanda.Jaqsılıqtı saqlap qalıń, doslarım,Qısta qolamtada qoz saqlaǵanday.
Dostım, xalıq ushın eger qabarsań,Túrli bálelerden seni qorǵayın.Zeriń bolmasa da sen jarqırarsań,
— XX ásir qaraqalpaq poeziyası antologiyası
Ómirdegi meniń maqset-muradım:Quwıp shıǵıw qayda bolsa pás qılıq.Dúnyada ne qalsın dese, juwabım:Kókte quyash qalsın, jerde jaqsılıq.