Turǵanbay Jumabaev
1947–
Turǵanbay Jumabaev — shayır.
T. Jumabaev 1947-jılı 13-aprelde Taxtakópir rayonı, Qarakól awılında tuwılǵan. 1969-jılı Nókis mámleketlik pedinstitutınıń qaraqalpaq tili hám ádebiyagı fakultetine kirip, onı 1973-jılı tabıslı pitkerip shıǵadı. 1973-1975-jılları Nókis rayonındaǵı 35-sanlı mektepte muǵallim bolıp isleydi. Soń “Celinnik Karakalpakii” gazetasında xabarshı (1975-76, “Erkin Qaraqalpaqstan” gazetasında xabarshı (1982-83), «Qaraqalpaqfilm» kinostudiyasında redaktor (1983-86), Qaraqalpaqstan Respublikası Ministrler Keńesi janındaǵı Baspa sóz mámleketlik sır saklaw basqarması, “Bilim” hám “Qaraqalpaqstan” baspalarında redaktor (1986-91), 1992-96-jılǵa shekem Nókis mámleketlik pedagogikalıq institutında dekannıń orınbasarı, oqıtıwshı bolıp isledi. Ol 2007-jıldan húrmetli dem alısta, dóretiwshilik jumıslar menen shuǵıllanıp atır.
T. Jumabaevtıń qosıqları menen maqalaları 1965-jıldan baslap shıǵa basladı. 1980-jılı “Aǵıs”, 1983-jılı “Keleshek”, 1987-jılı “Mezgil”, 1991-jılı “Birinshi sentyabr”, 1994-jılı “Hárkimniń óz jolı”, 2004-jılı “Bir danıshpan jartas basında” qosıqlar toplamları basılıp shıqtı. 1992-jılı rus jazıwshısı S. Eseninniń “Meniń jolım” atlı qosıq hám poemaların qaraqalpaq tiline awdardı.
Ol 1995-jıldan Jazıwshılar awqamınıń aǵzası.