TUWÍLǴAN JER USHÍN

Nelerdi kórmegen bul qıya dala,Awır soǵar onı túsiniw maǵan.Baylıqqa hám sırǵa tolı yamana,Qásiyetli ekenińdi uǵaman.

Bári ótip ketti ótkinshi bulttay,Waqıtqa taslar da shıday almadı.Mıń jıldıń tariyxı jazıldı qısqa,Waqıt degen barlıǵın da jalmadı.

Adam jaqsı nárse qaldırmaq bolsa,Sońǵı jasaytuǵın áwladlar ushın.Islegenlerine kewili tolsaJıllar jalap ketti adamnıń kúshin.

Tuwılǵan jer qaldı ata-babadan,Mańlay teri sińgen, miyneti sińgen.Sonday baxıt, sonday quwanısh maǵan,Dáwiri kelip jerden «aq altın» óngen.

Ayaǵı taplaǵan ata-babamnıńTilsimlerge tolı shımırısań sen.Ullı bola turıp jasıl jabannıń,Ańsat ǵana taslap kete almayman men.

Eń qádirli sıylıq, tozbas múlikseń,Sen degende hárkim janın qıya alar.Sen máńgilik, altınnan da berikseń,Altın sen turǵanda qunın joǵaltar.

Qushaǵıńda gúllep, qulpırıp óser,Gúller, shámen baǵlar, jasıl giyalar.Ata-babamızdan qalǵanǵa megzerBir ullı túsinik júrek uyalar.

Sońǵı áwladlarǵa miyras bolsın dep,Estelik qaldırǵan tuwılǵan jerde.Sońǵı áwlad ushın dese ǵana tck,Qosılmaǵan adam qalmaǵan bir de.

Ata-anasınan ayırılǵanlar bar,Ayıra túskenler bar súyikli yardan.Tuwılǵan jer ushın basqasha qararJaltarmay tup-tuwrı ólimge barǵan.