Onda báhár edi — gúl edi saylar,Sennen xabarım joq ótipti aylar,Kewliń sezgir bolsa, bárin abaylar,Kewlim — kewlińnen hárgiz ayırılmas.
Sonsha qız ishinde qızdıń aǵlası,Saǵan awdı eken kimniń ıqlası?Órter meni kózlerińniń alası,Sensiz mende ıshqı otı tutanbas.
Baǵlardı sayranlap tappay parasat,Tańda seni oylap boldım biytaqat,Muhabbatsızlardan — kútpe muhabbat,Bálki, seni mendey bolıp súye almas.
Baxtıyar emespen biyopa bolsań,Jaslıǵım qayda? dep aytpa aldansań.Armanda sen qalsań, yaki men qalsam,Ayralıq jolında xosh qal qarındas.
«Dóńgelenip taqıya ushsa — bas qalar,Qara sızıq osma ketip qas qalar».Seni súygen kewlim mudam jas qalar,
— XX ásir qaraqalpaq poeziyası antologiyası
Jıllar bul jaslıqtı urlap baratır,Waqıt qızıl júzdi torlap baratır,Ne bir menmenlerdi qorlap baratır,Adam bir tuwılar qaytıp tuwılmas.