MIYRAS

Náwpirli bolsa da eń arǵı saǵım,Qurǵın, abıraylı ótse de aǵam,Jartıwlı dúnya-múlk qalmadı maǵan,Turmıs, kún kóristen basqasın aldı.

Bildim, kim haq bolsa keliser isi,Írısqı-nesiybeden qurımas pisi,Ballarımnıń hadal jep tisi,Qánáát bizdi óz jolına saldı.

Qansha jarlı bolsam, sonshelli bayman,Tuwrı bolıp júdá kóp tapqan paydam,Xalıqshıl, arshıl, dártshil sezimler qaydan,Ol maǵan ákemnen miyras bop qaldı.

***

Ballarım qustanı etpegey bizdi,Jazmısh ómirimdi usılayınsha dúzdi.Júregim kóbinshe narazı menen,Kewlim sádeplerin dárt talay úzdi.

Namıstı eń biyik mártebe uqtım,Heshkimniń ırayın kelmedi jıqqım.Qosıqtan basqaǵa qoymadım ıqlas,Dúnya jııwǵa dım uqıpsız shıqtım.

Ómir jolında kóp dıǵırıq, ótkel,Perzentlerim aqıl monshaǵın sótpeń.Biraq bir baylıq bar, jetiń parqına,Onı ata-babań qaldırıp ketken.

Gúná batpaǵınan bolsańız saqıt,Igbal sáygúligin mingizer waqıt.Jaqsılıq múlki der: qádir tutqaysız,Bul miyras Sizlerge keltirer baxıt!