Jibimes janlardıń bawırın eritken,Úmit shashbawların birge órisken,Kewillerdi jaqsılıqqa jeritken,Sózi shiyrin, qaraqalpaq ırǵaǵı.
Náresteniń sulıw shúldirlisinde,Gúldirmamalardıń gúldirlisinde,Saǵım bop jol silter úrgin ishinde,Kósh basında, qaraqalpaq ırǵaǵı.
Xalqım kóksinde qup ájep mórlengen,Háyyiw aytqan, besik penen terbelgen,Sıńǵırlap tógilgen gúmis-zerlerdey,Húr, azada, qaraqalpaq ırǵaǵı.
Gáda bolıp ketsem elge qaytarar,Danalıq násiyat-aqıl ayta alar,Tawday gúńirener, kóldey shaypalar,Búrkit párwaz, qaraqalpaq ırǵaǵı.
Kúnniń zer shuǵlası, Ay nurı sende,Qılısh-qalqanlardıń dawrıǵı sende,Súyrik sezimlerdiń bawlıǵı sende,
— XX ásir qaraqalpaq poeziyası antologiyası
Qolı jaǵasında, tilde shúkiri,Appaq ay — Anamnıń oyı-pikiri,Ushqın shashqan Pirlesh porxan zikiri,Ot-jalınlı, qaraqalpaq ırǵaǵı.
Ákemniń qarlıqqan harǵın únindeGúller jilwasında, búlbúl tilinde,Meniń júregimniń hár dúrsilinde,Dolanarsań, qaraqalpaq ırǵaǵı.