Xalqım, meni shayır etken ózińseń,Yosh keledi márt maydanda kórinseń.Qaharmanlıq shejiresin oqıyman,Seniń ullı júregińe úńilsem.
Talay jıllar kún-tún attan túspepseń,Saq júripseń, sawıt bawın sheshpepseń.Geyde basqı tawıp, qısqı kórseń de,Óziń hesh birewge qısım etpepseń.
Bazda el basına qáwip tuwǵan gezde,Qaytpay gúresipseń kúsh jıynap tezde.Az bolsań da saqlap awızbirlikti,Tánde bas ketse de, turıpsań sózde.
Usı saltıń júregime ornaǵan,Sen haqqında oy saladı ol maǵan.Tabınarım, tawday arqa súyerim,Sen turǵanda kim kóterer qol maǵan.
Sarı qumnan tayınbaǵan tabanı,Oylap tursam, ótken ata-babanı.Topılǵan dushpanǵa súyem jer bermeySolar qorǵap kelgen bul keń dalanı!