-Kel baba, shıǵıńız tórge,Haq yaratqan názerkárde,Teńgeni bóldik tórt jerge,Birin alıń, Aydos baba!
-Márt bolǵan wádede turar,Sózin buzǵandı ant urar,Tórttiń birine diyqan turar,Teń ból! – dedi Aydos baba.
-Xandı ullı qıldı quday,Dáskesi kóp, xan eki pay,Siziń menen bizler bir payBoldıq endi, Aydos baba.
-Adam bolsań, abıray izleń,Otırar ornıńdı gózleń,Tillerińdi tartıp sózleń,Almam, - dedi Aydos baba.
-Sonday boldı istiń túri,Aytsa keter kewil kiri,Sizdi qıldıq tórttiń biri,Alǵıl endi, Aydos baba.
— Berdaq - Tańlamalı shıǵarmalarınıń jıynaǵı
-Ullı bolsa xannıń ullı,Bolajaqsız báriń ullı,Qaydan alıpsız bul puldı?Aytqıl – dedi Aydos baba.
-Xannıń qılǵan buyrıǵı shul,Xan hámirine moyınsınǵıl,Hámmege birdey salıq pul,Alıń endi, Aydos baba.
-Xan otırar salqın jayda,Tilla kóshkili sarayda,Men bolmasam aqsha qayda?Biliń – dedi Aydos baba.
-Baba bunsha qattı qashpa,Sum nápsińniń awzın ashpa,Xızmetker kóp sennen basqa,Qanaat qıl, Aydos baba.
-Mut pul kerek sendey qulǵa,Bolajaqsız jurtqa tulǵa,Teń jarıman salıq pulǵa,Teń ból – dedi Aydos baba.
-Babam, qılǵıl endi sabır,Máhremlerge qılma jábir,Tórt bólmegim xannan hámir,Alǵıl endi, Aydos baba.
-Ólgen adam qaytıp kelmes,Batır jigit qayǵı jemes,Wádesin buzǵan xan emes,Bergil – dedi Aydos baba....
-Ási bolarsań allaǵa,Teńgeni jarı almaǵa,Xanıń menen teń bolmaǵa,Uyalarsań, Aydos baba.
-Sen bilmeyseń meniń jayım,Onıń menen teń qudayım,Kerek emes bos abayıń,Tek tur! – dedi Aydos baba.
-Máhremler tilin almasań,Xan hámirine boysınbasań,Tórttiń birine turmasan,Óziń bilgil, Aydos baba...
-Qanaatsız qatın isi,Xanǵa qarsı qanday kisi,Meter menen qusbegisi"Sen qoy – dedi – Aydos baba!"
Ashıwı keldi, atlandı,Qus begi, meter toqtaldı,Qılıshın alıp oqtaldı,Qahárlendi, Aydos baba.
Áўelinde til almadı,Sózine qulaq salmadı,Meterdiń janı qalmadı,Shabar boldı Aydos baba.
-Sawash qılıp is baslasam,Qan tógip kewil xoshlasam,Gelleńdi kesip taslasam,-Dedi sógip Aydos baba.
-Is jamanǵa endi keter,Bul kisi aytqanın eter,Táwbe qılıp qusbegi, meter,"Qoydıq", - dedi, Aydos baba.
Sherik qılmay bir bendeni,Xiyўada xannan ózgeni,Qosıp jiberdi teńgeni,Teń ayırdı Aydos baba.
Dushpanı kóp, dosı menen,Nayzasınıń ushı menen,Bileginiń kúshi menen,Haqın aldı Aydos baba.
Kelgende xan órre turdı,Xanǵa qarsı juwap urdı,Bir neshe jıl dáwran súrdi,Bul hal menen Aydos baba.
Kópdur sózimniń kemisi,Dáryanıń urar degisi,Meter menen qusbegisi,Jılawında Aydos baba.
Eki araǵa tústi giyne,Xannıń inamı bir iyne,Aydos biyge qılıp hiyle,Ǵapıl boldı Aydos baba.
Aydos degen ullı kisi,Aqırı ketti qoldan kúshi,"Xannıń isi – shaytan isi", -Degen eken Aydos baba.
Xanǵa bolmadı puqara,Qarsı boldı bara-bara,Joqdur ólimge hesh shara,Sheyit óldi Aydos baba.
Dúnya isiniń joqdur shegi,Qoldawlıdur ata-tegi,Tuwdı Ernazar qusbegi,Tún saǵası Aydos baba.