Aq buwdayı turıp súli sepkennen,Taza salı turıp, shigin ekkennen,Jónsiz qırq kún qayǵı-uwayım shekkennen,Den sawlıqta bir kún shadlıq jaqsıraq.
Dúnyaǵa shıqqan soń baxtıń ashılsa,Dushpanlarıń ayaǵıńa bas ursa,Jaw baǵınıp, eki qolın qawsırsa,Kózdi alartqannan izzet jaqsıraq.
Jumıs isle, tuwılǵan soń el ushın,Janıńdı ayama elde er ushın,Kindikten qan tamıp, tuwǵan jer ushın,Ólip ketkenińshe xızmet jaqsıraq.
Heshўaqıt doslarıń bolmasın hayran,Qoldan kelse salıń dushpanǵa wayran,El-xalıq bir bolıp, áyleńiz sayran,Tuwılǵan jer ushın húrmet jaqsıraq.
Ǵayrı birewlerdi etip qurdasıń,Júrme aǵızıp dilbarıńnıń kóz jasın,Jaman bolsa hám ómirlik joldasıń,
— Berdaq - Tańlamalı shıǵarmalarınıń jıynaǵı
Adam balasında bolsın ar-namıs,Eń kemi júz bolsın kóz kórgen tanıs,Máger bilmey qoldı qıysa bir qamıs,Sol waq qanın tıyǵan ardan jaqsıraq.
Er jigitke namıs penen ar kerek,Haq kewil, qalem qas, sáwer yar kerek,Miyman kelse, kútip alar hal kerek,Soymaǵa bir eshki maldan jaqsıraq.
Xosh keldiń dep attan túsirilgen qonaq,Otırǵan bolmaǵay sol úydi sınap,Kózli hám ayaqlı, tilli bir sholaq,Ónersiz, bilimsiz qoldan jaqsıraq.
Xiyўa xan qast etip, postı jurt qańǵıp,Malsız jarlılarǵa tústi kóp salǵırt,Uzını kelisken juwan bir arǵıt,Sanı júz sapasız taldan jaqsıraq.
Túrgelip erteden jumısqa shıǵıp,Qolıńdı qabartıp, belińdi búgip,Dizeńdi sızlatıp, miynetin shegip,Jegen bir zaǵarań paldan jaqsıraq.
Tereń aqıl kerek sózdi dizbege,Tınıq qıyal kerek bárin sezbege,Suw ishinde uwayımsız júzbege,Bir qayıq júzlegen saldan jaqsıraq.
Áўel berermen dep, sońıra bermegen,Miynetkeshke haqı tólep kórmegen,Sózin jutıp, ótirik aytıp ólmegen,Nurmurattan bálki hayўan jaqsıraq.
Bul sózimdi tıńla, Nurmurat axun!Oraysań sálleńniń hárriytip shaqın,Aldap miynetkeshlerdiń kóp jeyseń haqın,Sennen kóre ala qarǵa jaqsıraq.
Orımbet, Nurımbet, Jálal, Súleyman,Sapar, Mırza, Arzıw, Erimbet qıypań,Xalıqtıń qanın sorǵan gileń biyiyman,Bárińnen bizdey bir gedey jaqsıraq.
Anaw otırıptı Qulmurat, Muwsa,Kewili aǵarmas qırq shayıp juwsa,Jarlılarǵa baxıt, nurlı kún tuwsa,Óshimdi almasam, ólgen jaqsıraq.
Basqa kemlik kelip, tústi uwayım,Sebepsiz tayaq jep, nedur gúnayim?!Jerdi-kókti xalıq áylegen qudayım,Bul júristen ájel kelgen jaqsıraq.
Bir aqsham ayttırıp, urdı jazıqsız,Ne shara, baylawda turmız qazıqsız!Qaraqalpaq, kúniń ótti jarıqsız,Bul ótken ómirden zindan jaqsıraq.
Ne hasıl sóz ayttım, ótti ayansız,Ne xızmetler ettim, ketti payansız,Men de bir jan edim jurtqa zıyansız,Xorlıq kórdim, tek ólgennen jaqsıraq.
Berdimurat aytar, kóre almay jaqtı,Ólip keter boldı, ashılmay baxtı,Berdimurat-xalıqtı, xalıq-BerdaqtıJalǵızınday kórer, jannan jaqsıraq.