Ilmiǵayıptan sózleme,Kisiniń yarın gózleme,Miynetsiz dúnya izleme,Jandı otqa saladursań.
Talap islep tap dúnyanı,Sútten aqdur bilseń anı,Kóp etseń óziń gúnanı,Jaman atlı boladursań.
Ózińnen páske júz salma,Námáhremlerge sóz salma,Kisi yarına kóz salma,Óz yarıńnan qaladursań.
Dás ellide pirden qaytpa,Tawıp ayt, sózdi molaytpa.Dostıń sırın dushpanǵa aytpaEl buzıwshı boladursań.
Er bolsań elińdi baqla,Eldiń bergen duzın aqla,Dostıń sırın bekkem saqla,Elge mırza boladursań.
— Berdaq - Tańlamalı shıǵarmalarınıń jıynaǵı
Bolay deseń elge mırza,El-jurtıńdı qılǵıl ırza,Ǵariplerge berme ıza,Óziń zıyan kóredursan.
Duwrı tutsań niyetińdi,Xalıqqa bursań betińdi,Sıylasań ǵarip-jetimdi,Shın azamat boladursań.
Peyliń ketip, nápsińdi ashpa,Malım bar dep tolıp-taspa,Jarlını ayaqqa baspa,Sen de jarlı boladursań.
Qolıń úzbe el-elattan,Qashıq júrme jámáátten,Qashar bolsań, qash ǵıybattan,Ǵıybat jaman biledursań.
Miynet penen jandı qıynap,Kórmey bir kún qonaq sıylap,Ishpey-jemey maldı jıynap,Qashan ráhátlanadursań.
Parqı bolar sóz degenniń,Nırqı bolar bóz degennıńXalqıń bolsın izlegenniń,Sonda dáwran súredursań.
Berdimurat der shertip sazdı,Báhár etip qısı-jazdı,Ruwza tutpay, bes namazdı, -Mudam qaza qıladursań.