Joǵımnan tappadım dárek,Sárdarımdı izler edim,Men sorlıǵa dáwran kerek,Dáwranımdı izler edim.
Zaman neshik zaman boldı,Qaraǵay basın shortan shaldı,Dúnyadan kóp kewlim qaldı,Qardarımdı izler edim.
Haqqa nalısh eteyin men,Ótirik sóylep neteyin men,Haq jol izlep keteyin men,Bir imkanın gózler edim.
Uzaqta qawmi-qardashım,Ne sawdaǵa tústi basım,Márt jigit bolǵay joldasım,Qáwenderim izler edim.
Bir kókirek, eki arıs,Jollar awır, mánzil alıs,Júregi misli jolbarıs,Naǵız sherdi izler edim.
— Berdaq - Tańlamalı shıǵarmalarınıń jıynaǵı
Eger tapsam ol sherlerdi,Ózgerter edim túrlerdi,Gúlistan etip jerlerdi,Dúnya júzin izler edim.
Aǵa begler, bolmań qapa,Súriń besh kún zawqı-sapa,Shekken bolsań jábiri-japa,Saǵan dárman izler edim.
Berseler alla dadımdı,Esitseler páryadımdı,Shad áylesem elatımdı,Dártke dawa izler edim.
Qam sút emgenmen anadan,Bir ushqan kózsiz sonaman.Soǵan dım kúyip-janaman,Jaqtılı jol izler edim.
Jolınan adasıp qalǵanMóhminlerge sárdar bolǵan,Ǵarip-qaserdi qoltıqlaǵanMiyrimlini izler edim.
Sozsam qolımdı hawaǵa,Dártim dus kelse dawaǵa,Ketsem bul mannan Kabaǵa,Tabar bolsam izler edim.
Kópti kórgen qariyanı,Aqtarıp paniy dúnyanı,Keship teńiz hám dáryanı,Men joǵımdı izler edim.
Qoyandı óltirer qamıs,Jigitti óltirer namıs,Edige menen Alpamıs,Tirilse men izler edim.
"Shar kitaptan" tura qashtım,Nawayıdan sawat ashtım,Fızıwlıdan dúrler shashtım,Dilўarlardı izler edim.
Maqtumqulını oqıǵanda,Aytar edim hár zamanda:"Kemis bar ma, begler, anda?"Sózin tawap qılar edim.
Men sharq urıp Shamǵa ketsem,Bilgenimdi bayan etsem,Haslı ǵayrı elge jetsem,Qanday mádet alar edim?
Berse maǵan Daǵıstandı,Túsirse de zimistandı,Jaqsı dese Hindistandı,Joǵım izlep keter edim.
Bendem dese biysharanı,Tárk áyleyip bu káranı,Men aqtarıp Buxaranı,Luqmanımdı izler edim.
Xalqım ushın salıp kúshti,Alıwǵa zalımnan óshti,Aralasam Úrgenishti,Yaranımdı tabar edim.
Joldas ertip jolǵa shıqsam,Jayhúnde sal bolıp ıqsam,Yaqshılardıń awzın baqsam,Aytar sózim tabar edim.
Ótken Árastu, Áflatun,Jaratıp ilimniń kántin,Sheshiw ushın pikiri bántin,Men maǵrifat izler edim.
Tórt nárse-dúnya tórkini,Áўel haq, insan, bil bunı,Bul dúnyaniń joqdur mini,"Baxıt bol!" dep izler edim.
Aqılı kámil, ilimi zor,Bilimli el bolmaydı xor,Baxıt ushın siltese jol,Orısıyattı izler edim.
Bedil, Áttar, "Bidiyandı",Tákirarlap atırdım tańdı,Zaman qıynap tur adamdı,"Hidayanı" izler edim.
Bir sebepker jalǵız alla,Ferdawsıyday dana bar ma?Túsindirer, "Sharqıy molla",Men alımlıq izler edim.
Qarataw qarsımnan kelse,Aydarhası adam jese,Sol jerde joǵın bar dese,Men taysalmay tartar edim.
Qulaq sal meniń sózime,Sarǵısh enip tur júzime,Mádet berse haq ózime,Isim rawaj áyler edim.
Haqqa ásilik áylemespen,Dánekersiz júylemespen,Hasla jalǵan sóylemespen,Duwrılıq sóz sóyler edim.
Berdimurat izle izle,Haq jolını tuwrı gózle,Kóp ishinde jaqsı sózle,Sózdiń parqın biler edim.
Berdimurat haqtıń qulı,Sahrada ósken búlbili,Bul bir aytqan hikayatı,Sıyır emes dońız jılı.